Mipa i nih a, hmuihmul leh khabe hmul i zuah buk a nih chuan inmeh fai a hun maithei, hmeichhia te nalh tih zawng a ni lo tlat mai. Chutihrualin mipa inzuah buk deuh te chu an mipa pui ten an thu an ngaichang duh bik niin an sawi tlat bawk.
Hmeichhia zawng zawng chu kan sawi thei lovang, duh zawng leh nalh tihzawng a inang lo thei khawp mai, mahse, a nawlpui thu a lakin hmeichhia ten mipa inzuah buk hi an ngaina lova, nalh an ti tehchiam lo niin mithiam ten an sawi.
New Zealand leh Canada a mithiam ten zirchianna neiin, mipa 19, hmuihmul leh khabe hmul ngah chi te chu kar ruk chhung inmet fai miah loin an hmul te chu a to toin an to tir a, chumi hnuah thinrim hmel taka an awm lai thla lak sak an ni.
Chutianga an thla an lak hnuah an inmet fai a, thinrim hmel tak bawka awm lehin thla an la leh bawk. Heng mipa te hi New Zealand leh Samoa a mi te an ni a, an thlalak chihnih te chu hmeichhe chi hrang hrang 200 hnenah entir an ni a, hmeltha an tih zawng an thlan tir ta a ni.
Hmeichhia te chuan thlalak zawng zawng an en hnuah inmet fai te chu tha an ti zawk niin journal Behavioural Ecology-ah tarlan a ni.
Heng thlalak chi hnihte hi mipa dang an entir ve leh a, mipa inzuah buk te chu an lang upain an thinchhiat hmel zawk niin an hre ve bawk. Chutihrualin mipa te chuan inzuah buk deuh te chu an zahawm hmel deuh niin an ngai bawk a ni.
University of Lethbridge, Canada-a zirchianna neitute zinga an hotu Paul Vasey chuan, “He zirchianna atang hian mipa inzuah buk te chu mipa vekin pa an ti zawk a, mahse, hmeichhia ten an ngaina lo zawk a ni,” a ti.
Hmeichhia ten mipa inzuah buk nalh an ti lo
Get real time updates directly on you device, subscribe now.
Prev Post
Next Post