March 8 – International Women’s Day denchhenin Congress Mahila chuan hmeichhia zawng zawng chibai an buk.
Mizoram Pradesh Mahila Congress Committee thuchhuak chuan khawvel changkang zelah hmeichhia leh mipate intluktlanna kalpui a ni ta zel chu lawmawm a tih thu sawiin, Mizo hmeichhiaten politics, eizawnna leh khawtlang, kohhran kaihhruaina kawngah hmasawnna an nei chho ta zel chu lawmawm a tih thu a sawi.
‘Mizorama Congress a sawrkar chhungin Aizawl Municipal Corporation leh khaw hrang hrang inkaihhruaina kawngah hmeichhiaten chanvo an nei chho kha hmasawnna nasa tak a ni a. Congress sawrkarin AMC, local council leh village council-a hmeichhe tana reservation a siam kha a hlut zia kan hmu ta zel a. Kum 2014-a The Mizo Marriage, Divorce and Inheritance of Property Act 2014 kalpui a ni ta kha thil chhinchhiah tlak tak a tling,’ a ti.
Thalai zingah hmeichhiaten khawtlang nun zahawm tak nei chho zel a, sualna lam hawia ke an penna laka mipate kaihruaitu an nih zel theihna’n nasa lehzuala hma la turin an inngen tih a sawi bawk.
Hmeichhiate Ni chibai buk
Get real time updates directly on you device, subscribe now.