Hmela Korean an hian hmasawnna min thlen lo – Dr Vanlaltanpuia

Kan education dinhmun en ila, hmela Korean an ringawtin hmasawnna a thlen loh zia hmuh theih a ni tih Mizoram Youth Commission chairman Dr Vanlaltanpuia, MLA chuan a sawi.
NYK Youth Festival 2023 programme chu Thawhlehni khan Govt Khawzawl College-ah hman a ni a. He hun hmanpuitu MYC chairman chuan thalaite chu ram economy khaikang theitu, chawmte aia thawkchhuaktu tam zawkna chu thalaitea innghat, development thlenna rahbi tungding theitu an ni tih hrilhin, “Thalai tlemna hmunah economy a tha thei ngai lo. A tha zawnga idea leh skill thawh tlanna a that chuan development hi kan hlat lo,” a ti.
Mizo thalai tam takin an kan chak ber kan hmel pawhin Korean hmel a an tawh viau laiin, kan education enin, Korean an ngawt hian hmasawnna a thlen loh zia hmuh theih a ni, tiin, “Sawrkarin theihtawp a chhuah chung pawhin kan thalaite zingah UPSC-a inziaktling thei kan awm meuh lo,” a ti.
Thalaite chu education hlutna man thiam turin Dr Vanlaltanpuia hian a chah a. India chu khawvelah IT-a sang fal a ni chung leh, kan in leh lo kan sak danah, kan ei leh in, incheina kawngah hma kan sawn em em rualin, IT-a Mizo thalaite kan hniam lutukte chu a zahthlak a, tan kan lak a ngai tih a sawi. Chutih rualin chief minister hmalakna in hmasawnna a awm chho zel tih sawiin, UPSC interview hlawhtling taka hmachawn kan nei chho zel tih a sawi a ni.