Hmui hmul sei ber

Hmui hmul sei ber
Kum 30 chhung a hmui hmul a zuah tawh a, a hmawr tawp ve ve a tehin feet 2 chuang a ni tawh a, Guinness World Record chuan he hmui hmul neitu Paul Slosar chu mihring damlai zinga hmui hmul sei berah a puang.
Summerville, South California a cheng Paul Slosar-a hmui hmul hi 63.5cm (feet 2 leh inch 1) a sei niin, US National Berad and Moustache Championships, Casper, Wyoming, US-ah nikum November ni 12-a neihah pawh a lo champion pui tawh a ni.
He competition-ah hian hmui hmul tia an chhiar chin chu hmui chunglam atanga hmul to chauh a ni a, hmui chunglam tawp atanga 1.5cm thlenga hmul to te chu hmui hmul anga chhiar a ni. Hmui hmul chu khuih theih (combable) a ni tur a ni a, styling product chi hrang hrang hman an phal thung.
Paul chuan a hmui hmul a zuah tan dan heti hian a sawi, “Tun hma chuan ka zuah sei ngai lo va, ka met rual thin. Ni khat chu ka hmui hmul ka trim (tan rual) zawhah ka nupui kan fawp tur chu a duh ta lo, min nam sawn a, ‘I hmui hmul i trim zawh hlimah hi min fawh tum tawh suh, brush kiss ang mai a ni,’ a ti . Chuta tang chuan ka hmui hmul ka zuah ta a ni,” a ti.
Paul chuan a hmui hmul hi kum 30 chhung zet chu a met tawh lo niin a sawi a, record hial a siam thei chu a inchhuang ve viau niin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More