Hmun 6-ah heroin gram 900 chuang man
Hmun 6-ah heroin gram 900 chuang man
Excise & Narcotics Department (END) chuan ni thum chhungin hmun rukah heroin gram 913.800 (Hawng 68) an man.
March 24 zan dar 8.45 khan P&E Veng Serchhip-ah gram 33.530 (Hawng 3) leh a neitu nia puh mi pahnih – Lalneihmawii (45) N. Khawbung leh Rosiamliani (43) P&E Veng Serchhipa khawsa nia inchhalte an man a. March 25 zan dar 10.30 khan Mualvawm, Serchhip district-ah gram 37.830 (Hawng 3) leh a neitu nia puh – Lalnunmawia (22) Darnam Veng Serchhip leh Hmingthianghlimi (26) Khuangthing, Serchhip district-a khawsa nia inchhalte an man.
Anti-Narcotics Squad, END chuan March 26 chawhnu dar 2.10 khan Zarkawt leh Thuampui Vengah heroin gram 353 (Hawng 27) leh a neitu nia puh – Thangngaihlian (45) Khawmawi Myanmar leh Khenchung (49) Suanzang Myanmar-a khawsa nia inchhalte an man a. March 26 zan dar 6.10 khan Tuikual South-ah heroin gram 16 (Tictac bur 49) leh a neitu nia puh – Sangsawmlala (30) Champhai Bethel, tuna Tuikual South-a khawsa nia inchhal an man.
END hian March 28 zing dar 3.00 khan Thenzawl bul Muallet hmunah heroin gram 396.440 (Hawng 30) leh a neitu nia puh mi pathum – Lalpanliani (48) Zokhawthar, Lalropeka(29) Kahrawt Veng Champhai leh Lalnuntluanga (32) Dinthar Veng Champhai nia inchhalte an man a. Anti-Narcotics Squad END chuan March 28 chawhnu dar 2.30 khan Bawngkawn Shalom Vengah heroin gram 77 (Hawng 5) leh a neitu nia puh – Ninkhansing (33) Munlai, Tahan Myanmar, tuna Bawngkawn Shalom Venga khawsa nia inchhal an man.
Heroin vanga mante hi The Narcotics Drugs & Psychotropic Substances Act 1985 tlawhchhanin thubuai siamsak an ni.