Hmunkhata heroin man tam ber

Hmunkhata heroin man tam ber
Mizoram Police chuan hmun khata heroin an man tam ber tum an tawng a, lirthei pakhat atangin heroin kg.15 an man.
Mizoram Police hotute sawi danin, kumin August 23 khan lirthei pakhat, Intra atangin MZ-01 X 1909 atangin heroin kg.6 an man a, a khalhtu hi Lalliancheua (20) leh lirthei neitu, Lallianmawia (25) Falam Myanmar, Zuangtui Aizawla cheng nia insawi ve ve chu an man a. Hemi tuma an ruihhlo man hi an ke pai (spare tyre) chhunga dah a ni.
Ruihhlo tawlhruk hi an chhuizui zel a, man loh la awm ngei nia hria in, ruihhlo tawlhruknaah hian a dang man loh a la awm tih hriat chhuah a ni a, ruihhlo tawlhtupa kawmngeih tur hian mi in rawk ching, case nei lai pakhat chu hman tangkai a ni a, a ni hmang hian lirtheiah hian a vaiin heroin kg 15 thuhruk a ni tih hriat chhuah a ni ta a ni.
He lirthei hi thiah darh vek a nih hnuah heroin kg 9 man belh a ni a. Heti hian he thubuaiah hian a vaiin heroin kg.15 man a ni a, hemi tuma Saitual Police-in heroin an man hi Mizoram Police-in tum khata heroin a man zinga tam ber nia hriat a ni.
Heng heroin hi a quality tha bik, Double Uoglobe brand nia sawi a ni.
Hetihlai hian September 19 khan Champhai Police chuan methamphetamine kg. 70.2 an man. Zokhawthar Police hnen atanga ruihhlo tawlh chungchang an thudawn bawhzuiin, Champhai PS team hian he ruihhlo tawlhnaa inhnamhnawih ngeia hriat Lalnunthara (27) Dinthar Veng Champhai chu Zotlangah nangchingin uluk taka an zawn hnuah methamphetamine kg 70.200 (mum 656500), satha bag pahniha dah chu an mansak a ni. He ruihhlo hi Zokhawthar Police, Bulfekzawl Police, Hruaikawn Police (ruihhlo vai tur hrim hrima dah) leh Bulfekzawl leh Hruaikawn khawtlang hruaitute inpekna leh thawhhona zara man a ni tih Mizoram Police hotute chuan an sawi a. Khawtlang/ NGO ten ruihhlo donaa thahnemngai taka an telna hian rah duhawm tak a chhuah thin tih sawiin, an chungah lawmthu an sawi a ni.