Hmunphiah qtl. 30804 lei tawh

Hmunphiah qtl. 30804 lei tawh
Kumin February 20 thleng khan Mizoram hmunphiah quintal 30804 lei a ni tawh a, Mizoram sawrkar chuan a la leisak lo tih Land Resources, Soil & Water Conservation minister Lalthansanga chuan a sawi a. Hmunphiah keh tawh sa chu chief minister-in a lo sawi tawh angin an lei vek dawn tih a sawi.
Assembly Session-a zawhna chhangin LRS&WV minister chuan, Mizoram Agriculture Marketing Board hnuaia empanelled buyer 7 bakah empanel ni lo/ commissioned agent 16 ten hmunphiah chingtute atanga atanga an leikhawmin hi quintal 30804 a tling tawh a, heng zinga quintal 2450 hi ZOHANDCO-in grading awm loa an lei niin, a bakah hi chuan sawrkar sum hman a ni lo tih a sawi.
Hmunphiah hrim hirm hi kuminah hian quintal 96000 vel lei tur awm theia chhut a ni a. Society kaltlanga hmunphiah hralhte chu support price an pe thei a, society kaltlang lo erawh pek an ni dawn lo tih a sawi.
Mizoten society system chu kan la hmang thiam chiah lo nia a hriat thu Lalthansanga hian sawiin, kan tharchhuah hralh kawngah kan hmanhmawh mah mah thin tih a sawi a ni.