Hna zawng leh thawktu zawng tan
Aizawlah Mega Job Fair nei mek
Ni hnih awh Mega Job Fair 2023 chu Aizawlah neih mek a ni a. Hnathawhna tur duhte tan hnathawktu zawngtu leh pui theitu company-te indawr tawn theihna tur a ni.
Millennium Center Rooftop-a neih Mega Job Fair hi Thawhlehni khan deputy chief minister Tawnluia’n a hawng a. He hmalakna hi Mizoram thalai tan hmasawnna lian tak a ni chho dawn tih a sawi.
He Fair buatsaihtu Labour, Employment, Skill Development and Entrepreneurship Department (LESDE) chu department lian tak ni lo mah se, thalaite tan kawng hrang hrangin hna a thawk thin tih a sawi. Placement agency lokalte chu Mizoram thalai hna neilote chu danin a phal chinah duhsak tura ngenin, tunlai thalaite chu an taima in thawh hreh an nei tawh lo chu fakawm a tih thu a sawi a ni. Skill development hmalakna hrang hrangah theihtawp chhuah tlan chuan kum reiloteah thalaiten ram an siam danglam theih ngei a ring tih a sawi bawk.
LESDE director Angela Zothanpuii chuan Mega Job Fair hi sawifiahin LESDE hnuaia scheme pahnih – SANKALP leh Model Career Center (MCC) tangdun buatsaih a ni, tiin, ram pawn leh ram chhunga company hrang hrangin heng sector – financial institutions, banking, healthcare, services, automobile, information technology, FMCG, tourism & hospitality, beauty & wellness bakah company hrang hrang sawmkhawmin Mizoram thalai hna zawnglaite tan hnathawh tur 1800 chuang an rawn chhawpchhuah sak tih a sawi a ni.
Job Fair-ah hian EMPEX portal-a hna zawnglaite inziahluh theihin hawn nghal a ni.
Hna zawng leh thawktu zawng tan Aizawlah Mega Job Fair nei mek
Get real time updates directly on you device, subscribe now.