Hnahthialah Yuva Utsav

Govt Hnahthial College-ah Nehru Yuva Kendra (NYK) buatsaihin Thawhlehni khan district level Yuva Utsav (Youth Festival) neih a ni a, Human Resource Development (HRD) Board vice chairman Dr L Thangmawia, MLA chuan a hmanpui.
HRD Board vice chairman chuan a thim zawnga thlir thin mi thenkhatin ram chhiatna lai an aupui uar viau laiin, Zoram thalaite zingah ruihhlo leh thil tha lo laka insum thei, entawntlak tam tak an awm tih a sawi a. Thalaiten hnam hmangaihna thinlung nen, mahni nuam tihna – comfort zone kalsan a, chhungkua, khawtlang leh ram tana nasa zawka tan lak a ngai tih a sawi.
Yuva Utsav hawn zawh hian Dr L Thangmawia chuan Hnahthial district-a sawrkar department ho buatsaih exhibition stall a hawng nghal a ni.