Mizoram sawrkar hnuaia hnalakah a thiam zawkte aia sawrkara thil tithei zawkte thlanchhuah an ni thin chu pawi an tih thu ZPM Thalai chuan sawiin, Assembly Secretariat-a hnalak dan chhui turin sawrkarin an phut tih an sawi.
ZPM Thalai Hqrs. thuchhuak chuan Mizoram Legislative Assembly Secretariat-a translator, assistant, LDC leh UDC hna lakah thil fel tawk lo a awm ngei nia a lan thu leh hna lak felfai lo avanga beiseina nei thalai rilru thianghlim tak takte rilru na taka an awm chu pawi a tih thu a sawi a. He thil hi a chinchhuaka chhui tur leh a mawhphurtute chunga hremna lek turin MNF sawrkar a phut tih a sawi.
MNF sawrkar hnuaiah hleih nei taka ro rel a ni thin tih sawiin, tun tuma Assembly Secretariat hnuaia hna hrang hrang lak danah hian MNF sawrkar chu mipui huapzo sawrkar a nih loh zia a langchiang tih a sawi a ni.
‘Hna lak kawngah a thiam zawkte aia sawrkara thiltithei zawkte thlan chhuah an ni thin kan ngai thutak hle a. MNF sawrkar hian thalaite tan beiseina kawl eng a siam thei lo a nih pawhin beidawnna thlen belh tawh lo turin kan ngen a ni,’ ZPM Thalai chuan a ti.
Hnalak dan chhui phut
Get real time updates directly on you device, subscribe now.
Prev Post
Next Post