Hnamdang thlavang hauh an awm thin hi a pawi – MZP

Mizo Zirlai Pawl chuan dan loa hnamdang eizawng dapchhuahnaah an thlavang hauhtu an awm thin chu pawi a tih thu a sawi.
MZP Gen. Hqrs thuchhuak chuan ram leh hnam him zawk nan hnamdang dan loa Mizorama eizawngte dapchhuah kawngah nasa takin hma a la thin a, hetiang hunah hian ram hruaitu leh mi pawimawh zingah hnam dang thlavang hauh an awm thin chu pawi a ti, tia sawiin, ‘Kan ram leh hnam him zawk nan a ni tih hria a, MZP hmalakna thlawp zel turin mipui kan sawm a. Ram hruaitu hnamdang thlavang hauh ching an awm chuan an hming puanzar kan hreh dawn lo,’ a ti.
Ram leh hnam hmangaihnaa inkaihthawh thar pahin zirna leh eizawnna kawng inkawhhmuh lama inhrilhhriat beihpui thlak turin nationalism & career awareness campaign neih a rel a. NIELIT Aizawl nen tangdunin December 13 hian Aijal Club Park-ah Job Fair buatsaih an rel bawk.