Hnar hmanga faifuk ring ber

k tihna a ni mai ang chu, a har ve ngawt ang. Mahse, LuLu Lotus chuan a hnehsawh khawp mai, Guinness World Record siam nan a hmang.
Aurora a cheng LuLu hian Guinness World Record bu a chhiar thin a, mi hrang hrang record danglam tak tak an siamte chu ngaihnawm a ti thin. |um khat chu DJ Steve Aoki documentary “I’ll Sleep When I’m Dead” tih Netflix-a a en laiin, Aoki chu Guinness World Records-in ‘Musician Zinga Kum Khata Zin Kual Nasa Ber’ record pe lai a en fuh a, chuta tang chuan a ngaihtuahnaah record siam ve duhna a awm ta a, eng record nge a siam ang tih a ngaihtuah ta a ni.
Mahse, a tan ngaihtuah rei vak a ngai lo, record hrang hrang a chhiar zingah ‘Hnar Hmanga Faifuk Ring Ber’ record chu tuman an la siam ngai lo tih a hre tawh a, chu record ngei mai chu siam a tum ta a ni. Guinness nen an inbe pawp a, mahse, Guinness lam hian a hnar faifuk rin zawng tehna hmanrua atan khawl dollar 1,000 chuang man a ngai an ti si a, hei bakah hian a record-na room tur thlengin an rawn duh khirh khawp mai a.
LuLu chuan, “Tihlawhtling tur chuan min puitu ka mamawh ta a. Tichuan Facebook-ah ka han zawng kual a, Mississauga-a audio engineering an rawn lang ta a ni,” a ti. Aercoustics Engineering nen an inbiak hnuah, anni chuan a thlawn liau liaua puih an lo inhuam ta a ni.
Tichuan an teh dan chi hrang hranga tehin LuLu chu engtiang chiah a ringin nge a hnar hmangaih a faifuk theih tih an teh zel a, a tawpah chuan ri rin zawng tehna decibel 44.1 a ringin a ti the ta a ni. LuLu hian ‘Godfather’ theme song kha a hnar hmanga faifuk-in a sa a ni.