Hnar thi chhan

Hnar thi chhan
Hnar-ah hian thisenzam a tam riau a, hmai laitaka awm a nih vang leh thisenzam a tam avangin hnar chu tih fuh palh leh tih thi palh a awl hle a ni. Nova Speciality Surgery, Tardeo, Mumbai-a ENT Surgeon Dr Ashim Desai chuan, “Hnar thi hi hlauhthawm viau tur a ni lo tlangpui a, mahse, nunna atana pawi thei pawh a ni thei a, chu erawh a tam lo hle,” a ti .
1. Allergic rhinitis vang a ni thei. Allergy avangin hnarkaw chhunga tissue lining a lo vung a, chu chuan hnar thi a siam thei. Hnap hnit zawngin thi tlem tlem chhuak angin a awm thei. Skin allergy test a tha a, Anti-allergic damdawi doctor ten an chawh thin a, vaccine pawh lak theih a ni.
2. Hnapkhir kheuh leh hnar kheuh hrim hrim chin dawklak avangin kan hnarkaw chhung kan kheuh hliam a, chu chuan ulcer siamin hnar a tithi thei. Naupang hritlang hnarping ten an hnar kheuh an ching a, chu chuan hnar a tithi thei bawk.
3. Puitlingah thisen rawng tak deuh tak emaw rimchhe deuh hnar atanga a chhuak a nih chuan sinus infection vang emaw tumor vang emaw a ni thei. Hei hi chu endoscope leh CT scan a enfiah a tul thin.
4. Naupang chu a hnar a thi ngun viau chuan tumor vang a ni thei a, chu chu juvenile angiofibroma an ti a, angiography leh zai a ngai thin.
5. Nu naupai laite pawh an hnar a thi fo thin a, hei hi chu an naupai vanga nasal passage-a thildanglam thleng a awm thin vang a ni. A chang chuan PIH (pregnancy related hypertension) vang pawh a ni thei a, chutiangah chuan gynecologist rawn tur a ni.
6. Hypertension (BP sang) hi kum upa lama hnar thi chhan a ni duh khawp mai.