Medicalnewstoday-in a tarlan danin hnar thi kan ti hi damdawi lam tawng chuan epistaxis an ti a ni awm e, nasal hemorrhage te pawh an ti tho. Hnar (nose)-ah hian thisenzam a tam riau a, hmai laitaka awm a nih vang leh thisenzam a tam avangin hnar chu tih fuh palh leh tih thi palh a awl hle a ni.
-- Advertisement --
Nova Speciality Surgery, Tardeo, Mumbai-a ENT Surgeon Dr Ashim Desai chuan, “Hnar thi hi hlauhthawm viau tur a ni lo a, mahse, nunna atana pawi thei pawh a ni thei a, chu erawh a tam lo hle,” a ti a, hnar thi chhan hrang hrang a sawi te Times of India health section-a an tarlan te kan rawn chhawp chhuak e.
1. Allergic rhinitis vangin hnar a thi thei. Allergy avangin kan hnarkaw chhunga tissue lining a lo vung a, chu chuan hnar thi a siam thei. Hnap hnit zawngin thi tlem tlem chhuak angin a awm thei. Hetiangah hi chuan skin allergy test a tih a tha a, allergy awm chhan te zawn chhuah a tha. Anti-allergic damdawi doctor ten an chawh thin a, vaccine pawh lak theih a ni.
2. Hnapkhir kheuh leh hnar kheuh hrim hrim chin dawklak avangin kan hnarkaw chhung kan kheuh hliam a, chu chuan ulcer a siamin hnar a tithi thei. Naupang hritlang hnarping ten an hnar kheuh an ching a, chu chuan hnar a tithi thei bawk.
3. Puitlingah thisen rawng tak deuh tak emaw rimchhe deuh hnar atanga a chhuak a nih chuan sinus infection vang emaw tumor vang emaw a ni thei. Hei hi chu endoscope leh CT scan a enfiah a tul thin.
4. Naupang chu a hnar a thi ngun viau a nih chuan tumor vang a ni thei a, chu chu juvenile angiofibroma (thisenzam-a bawk awm) an ti a, angiography leh zai (surgical excision) a ngai thin.
5. Nu naupai laite pawh an hnar a thi fo thin a, hei hi chu an nau[ai vanga nasal passage-a thildanglam thleng a awm thin vang a ni. A chang chuan PIH (pregnancy related hypertension) vang pawh a ni thei a, chutiangah chuan gynecologist rawn tur a ni.
6. Hypertension (BP sang) hi kum upa lama hnar thi chhan a ni duh khawp mai.