Hnathawhna tur sawrkar sum dahpun theih dan ngaihtuah
Sawrkarin hnathawhna atan sum a dah hran, hun reilote chhunga a pung awma financial institution lama dah theih nan chu chief minister hoa ngaihtuah a ni.
Zirtawpni khan Finance hotute leh ZIDCO hotute chuan chief minister Lalduhoma hoin sawrkar sum enkawlna chungchanga thil pawimawh am sawiho a. Sawrkarin hnathawhna tur sum leh pai hun reilote chhunga pung awma financial institution lama dah theih dan (overnight investment) chungchang, department tin financial data base neih, sum leh pai vawn kawnga sawrkar thuchhuakin zawm a hlawh leh hlawh loh dan leh thil pawimawh dangte sawi a ni.
Chief minister chuan hun reilote chhunga state sawrkar sum dinhmun a ziaawm chho viau chu lawmawm a tih thu a sawi a. Hei hi Finance department thawktute inpekna vang a ni tih a sawi. “Hma sawn zel tumin kan bei anga, chumi atan chuan vawiina kan sawi te hi a pawimawh a ni,” a ti.
Thutkhawmah hian adviser to CM (Finance) TBC Lalvenchhunga, commissioner & secretary to CM Vanlaldina Fanai leh official dangte an tel a ni.