Sawrkar laipui Ministry of Home Affairs chuan chhiatna hmachhawn dana thawk thate chawimawina dawng turin Lunglei Fire Station a thlang.
-- Advertisement --
He chawimawina, Subash Chandra Bose Aapda Prabandhan Puruskar hi kum 2019 khan siam tan a ni a. Chawimawina hmasa ber hi kum 2022 khan pek a ni a, pawl/ office/ department leh mimala thawkthate hnenah pek thin tur a ni.
Mizoram sawrkar chuan ‘State Level Award Committee on Subash Chandra Bose Aapda Prabandhan Puruskar’ a din a. He Committee hian 2021 April 24-26 chhunga Lunglei chhehvela ram kang nasa tak chhuaka Lunglei Fire Station-in theihtawp a chhuahna chu chawimawi phu nia hria in, Union Home ministry-ah ziakin a thlen a. Tehna hrang hranga an teh hnu leh sawrkar agency ruat bikten an endik hnuah he chawimawina hi ‘Institution category’ atanga dawng turin a thlang a. Sumfai nuai 51 leh certificate a kengtel.