Hockey India League 2026-ah Mizo pathum tel dawn

Hockey India League 2026-ah Mizo pathum tel dawn
Tunkar Nilaini khan Hockey India League 2026 Mini Auction chu New Delhi-ah zawh fel niin, he player lilamna hunah hian Mizo tleirawl, India junior player Lalthantluangi (Kanghmun South) chu Ranchi Royals-in Rs. 3,10,000 phawrhin an lei.
India senior player Lalremsiami leh India junior player Lalrinpuii Pachuau (Hnahthial)-te chu an khelhna ngai Shrachi Rarch Bengal Tigers-ah an la cham zui ang.
Nilainia auction-ah hian mipa lama player hralh to ber chu Liam Henderson (Australia) niin, Vendanta Kalinga Lencer chuan Rs. 42,00,000-in an lei.
Hmeichhe lama player man tam ber chu Agustina Gorzelany (Argentina) niin, Bengal Tigers-in Rs. 42,00,000 bawkin an lalut.
Kumthar, 2026 January ni 5-a khelh tan tur Hockey India League 2026 pathum tal an neih a ngai a; tin, team tinte hi foreign player pasarih aia tam lo chhawr phalsak an ni bawk.
Hockey India League 2026-ah hian kum hmasa lam ang bawkin mipa lamah team pariat awmin hmeichhe lamah team pali an awm thung ang.