Hollywood Box Office-ah ‘Wuthering Heights’ a No.1

Hollywood Box Office-ah ‘Wuthering Heights’ a No.1
Margot Robbie leh Jacob Elordi te channa ‘Wuthering Heights’ chu North American box office-ah a No.1 a, gilm tlangzarh thar animated ‘GOAT’ pawh beisei aia chethain No.2 a ni bawk.
Margot Robbie hi ‘Barbie’ film hlawhtlin taka a chan hnuah a chawl deuh vang vang a ‘Wuthering Heights’ hi film-a a changtunu ber anga rawn comeback lehna film te pawh a tih theih ang chu. He film hian tun weekend kalta khan US-ah cinema hall ticket hralhna atangin dollar maktaduai 34.8 la lutin, No.1 a ni.
He film hi Emily Bronte novel behchhana chan niin, No.1 ni mah se beisei a pha lo deuh a, opening weekend-ah hian dollar maktaduai 40 vel tal la lut thei turin an lo beisei a ni.
Sony Animation leh Stephen Curry te animated film ‘GOAT’ beisei aiin a chetha ve thung a, opening weekend-ah dollar maktaduai 26 la lut theiin No.2-ah a debut. He film hian US pawnah dollar maktaduai 15.6 a la lut bawk a, tihian opening weekend-a a lak luh zawng zawng dollar maktaduai 42 a tling.
MGM Studio film tlangzarh thar ‘Crime 101’ pawh beisei aia che thain, dollar maktaduai 15 la lutin, No.3-ah a debut. Crime 101 Bart Layton direct niin, Don Winslow novel bechhana chan a ni a, lunghlu ruk hmang che zei zet mai chanchin leh a hnuchhuitu te chetdan vel tarlanna a ni a, Hollywood star rual Chris Hemsworth, Mark Ruffalo, Barry Keoghan, Monica Barbaro, Corey Hawkins, Jennifer Jason Leigh, Nick Nolte, leh Halle Berry te an inlan.
Box office top 10:
1 “Wuthering Heights” $34,800,000
2 GOAT $26,000,000
3 Crime 101 $15,136,000
4 Send Help $2,568,000
5 Solo Mio $1,796,245
6 Zootopia 2 $1,250,000
7 Iron Lung $1,100,000
8 Avatar: Fire and Ash $988,000
9 Dracula $908,891
10 Good Luck, Have Fun, Don’t Die $840,000