Honduras thlawhna tlaah mi 12 vel thi

Caribbean vaukam, Honduras-a Thawhtanni zana thlawhna tlaah mi 12 vel an thi tih thuneituten an sawi.
Honduran airline Lanhsa thlawhna hi Roatán thliarkar atanga a thlawh chhuah hnu lawkah tuipuiah a tla a ni.
Honduran national police leh fire department chuan mi panga chhanchhuah an nih thu an sawi ve ve a, pakhat chin an la hre lo.
An chetsual chhan hi hriat a la ni lo va; mahse, Roatán mayor chuan khaw awm dan a ni lo tih tual chhung chanchinbute hnenah a hrilh a, khua a tha tih a sawi a. Honduran Civil Aeronautics Agency chuan an chhui mek tih an sawi.
Jetstream 32 thlawhna hi Juan Manuel Gálvez International Airport atangin Thawhtanni tlai dar 06:18 (India-a Thawhlehni zing dar 05:48)-ah thlawk chhuakin for Golosón International Airport, La Ceiba, Hondura pan tur a ni.
Civil aviation thuneitu, Carlos Padilla chuan a thlawh chhuah hnu lawkah ding lamah a kawi vut a, tuiah a tla ta tih a sawi niin AFP news agency chuan an tar lang.
Social media-a thuchhuah a siamah sorkar chu a tuartu chhungkuate a tawrhpui tak zet tih an sawi.
Thlawhna a tlak hnuah Honduran President Xiomara Castro chuan an ram emergency committee tinungin hetah hian emergency services hrang hrang – sipai, police, fire department, Red Cross leh health ministry an tel.
X-ah committee hi puihna hrang hrangah ‘rim takin an thawk’ tih a tar lang zui.
Thuneituten social media-a video an dah chhuahah rescue team chu thim hnuaiah tuipui hrul ram khawkrawk takah lawngleng leh hlang nen hna an thawk tih a lang.
Honduran sipaite chuan dam chhuak, hliam tuarte chu San Pedro Sula khawpuiah air force thlawhna hmanga lak an nih thu X-ah thlalak nen an tar lang.
Tual chhung chanchinbute chuan thi zingah hian Honduran musician hriat hlawh, Aurelio Martinez Suazo pawh a tel tih an tar lang.