Hospital-ah Aadhaar siam thei dawn

Hospital-ah Aadhaar
siam thei dawn
National Health Mission hnuaia sawrkar hospital hrang hranga nau pianghlim atanga kum 5 hnuailam Aadhaar card siamtu – Birth Registration Based Aadhaar Enrollment (BRBAE) operator-te chu Thawhlehni khan Aizawlah kohkhawm niin an hriat ngai inzirtir a ni.
National Health Mission Mizoram mission director Dr R Lalchhuanawma chuan, sawrkar leh UIDAI duh angin, hospital-a nau piang, birth certificate nei zawng zawng Aadhaar card siamsak zel tur a ni a. Tuna BRBAE operator an neihna bak hospital dang 22-ah neih belh a ni dawn tih a sawi. BRBAE operator-te hian kum 5 hnuailam Aadhaar card la nei lo tupawh birth certificate an neih a, India khua leh tui an nih chuan Aadhaar card an siamsak thei tih a sawi bawk.
NHM nodal officer (HMIS) Dr B Lalthantluanga chuan, BRBAE operator-te hian kum 5 hnuailam Aadhaar card siamsak bakah mobile phone number Aadhaar number nen an link sak thei tih a sawi a ni. NHM Regional office Guwahati assistant manager Chinmoy Kakati chuan training a pe a, sawrkar Hospital atangin thawktute an tel a ni.