House-a chetdanah MLA-te chhuang

ZPM Gen. Hqrs. hnuaia ZPM Thalai, Zonu leh Upa Committee chuan Assembly Budget Session neih zawh taka ZPM Legislature Party member-te chet dan chu an chhuang takzet tih an sawi.
Thuchhuah an siamah Assembly House chhungah dikna tan a, thudik lo hailang a, Mizoram mipuiin an chanvo dik tak an chan theihna tura huaisen taka auchhuak ngam MLA ZPM-in a nei chu thlamuanthlak an tih thu an sawi. ‘ZPM MLA-ten ram enkawl kawngah an tih mai mai loh zia leh an taimak zia House chhungah a takin a lang a, ram hmasawnna tur leh mipui changkan lehzualna tur mutmawh hnarmawhah ZPM Legislature Party member-ten an nei tih a lan avangin a lawmawm kan ti a, ZPM MLA-te taimakna leh inzir peihna hi ropui kan ti takzet a ni,’ a ti.
ZPM MLA-te ram leh hnam an enkawlna kawngah huaisen taka an kal zel theihna’n duhsakna an hlan a, hriselna tha leh finna an neih belh zel theihna’n Pathian hnenah an dil tih an sawi bawk.