Housemaid inthawnah thil diklo titute hrem turin phut

United Arab Emirates-a dan dik loa housemaid tura intirh chungchangah thil diklo titute an phu ang ngeia hrem an nih theihnan hma la turin Mizoram sawrkar an phut tih Congress Thalai chuan an sawi.
Congress Thalai Hqrs. thuchhuah chuan, Mizo tleirawl, inbumna hmanga sawrkara kum pawh tling lo, agency-in passport dik lo leh immigration license document dik pakhat pawh nei loa housemaid tura thawn an nih chungchangah sawrkarin thil diklo titute chunga hremna pek aia Mizo tlangval, anmahni tanpuitu zawk mi harsatna denchhena mimal hlawkna tel tum anga ZPM thupuangtu in a sawi leh a bank account ringhlel a, a account check a ni chu thuneihna hmansualna leh midikte chanvo palzutnaah a ngai tih a sawi.
Chief minister Pu Lalduhoma’n a lo sawi lawk tawh angin, BJP thiana an siam tak zia leh BJP lamtang a nih zia he thilah hian lantir a ni tih Congress Thalai hian sawiin, Mizoram BJP hruaitu Pi Lalremsangi (Tetei) nen media kaltlanga uar taka an infak tawn vel chuan a nemnghetah a ngai tih a sawi.