Hritlang pumpelh dan

Hritlang pumpelh dan
Hritlang satliah, a sap tawnga common cold an tih hi boruaka leng vel thei hrik (air borne virus, a damdawi tawng chuan rhino virus an ti a ni awm e) in a thlen a ni a, khawvela school leh hna thulhna chhuanlam tlanglawn ber a nih vangin ‘common’ tih hi an hmang niin an sawi.
Boruaka leng vel thei a nih vang hian inkaichhawn pawh a awl hle a ni. A nih leh engtin nge chu virus chu kan pumpelh theih ang, a bik takin thlasik boruakah hian? Hei le mithiam ten hritlang satliah pumpelh theih dan ni a an sawi te kan rawn tarlang e.
1. Inti fai tha rawh. Mahni taksa enkawl fai dan naupan lai atangin kan zir tawh a, chu chu puitlin hnuah pawh zawm zel tur a ni. Kut silfai ngun tur a ni a, a bik takin mipui punkhawmna hmun, bazar emaw, stadium emaw a kal tein kut silfai ngun lehzual tur. Hritlang kai tawh sa bul hnaia awm tam loh tur a ni bawk.
2. Thil khawih zut zut loh tur. He virus hi boruak-a leng vel thei a nih vangin, hritlang kai tawh sa chu a khuh emaw a hahchhiau emawin a bul velah khan mita hmuh tham loh virus hi a darh ka chum chum a. Chung virus kai tawhna eng emaw kan khawih fuh hnua kan hnar, mit leh ka te kan khawih lehin hritlang chu kan kai thei.
3. Mei nghei rawh. Meizial khu hian kan airway-ah za a siam a, chu chuan rhinovirus attack lakah min ti zuamawm bik thei.
4. Vitamin C ei tam rawh. Vitamin C hi hritlang tan a that leh that loh thuah inhnialna a tam khawp mai. A tha emaw tha lo emaw nitin orange juice no khat in hian a chhe zawnga side effect a neih a rinawm loh. Doctor thenkhat chuan vitamin C supplement, a mum, ei mai theih te pawh an chawh ve fo a nia.
5. Rilru leh taksa hahdam tir. Kan rilru a hah a, thil kan ngaihtuah nasat hian ka taksa pawh ka rilru hah chhawk zangkhai turin a buai hle a, chuvangin natna kan do theihna (immune system) a chak lo thin. Hetiang hunah hian hritlang hi kai a awlsam bik niin an sawi. Nitin darkar 8 tal mu la, hun remchang i neih apiangin i taksa awm hahdam tir rawh.
6. Inla-fit rawh. Taksa fit teng tawng chuan natna a do chak bik. Nungphung hrisel leh fitness routine fel tak nei la, tui in tam la, chaw tha ei ang che. Chu chuan i immune system a tichak dawn a, chu chu hritlang satliah laka himna tha ber a ni.