Govt. Kolasib High School chuan HSLC Exam 2023 result chhuakah an zirlai exam zawng zawng an pass avangin Nilaini khan an lawm.
He hun hmanpuitu Kolasib bialtu MLA, minister K Lalrinliana chuan zirtirtu leh zirlaite thawhrimna avanga an hlawhtlinna chu lawmawm a tih thu a sawi a. Hlawhtlinna tluantling nei tur chuan tun atangin eizawnna kawng an dap dan turah rilru siamfel a pawimawh, tiin, tum mumal tak nei a, zirna tibahlah thei ruihhlo lak a fihlim chunga zirna kalpui thinte chuan hlawhtlinna an chang thin tih a sawi.
Govt. Kolasib HS atanga HSLC exam-a hlawtlinna chang zingah raltlan zirlai an awm chu lawmawm a tih thu K Lalrinliana hian sawiin, state thenawma Zohnahthlak unauten harsatna leh buaina an tawh lai a, khawtlangin an lo tuamhlawm dan chu fakawm a tih thu a sawi bawk.
Minister hian exam-a hlawhtling zirlaite hnenah lawmpuina thilpek leh School library-a dah tur lehkhabu a hlan bakah a tul apianga hman tur cheng nuai khat a ruahman tur thu a sawi a ni.
HSCL-a zaa za pass lawm
Get real time updates directly on you device, subscribe now.