Hugh Jackman leh Deborra Lee-Furness in\hen

Wolverine changtupa Hugh Jackman leh a nupui Deborra Lee-Furness te chuan kum 27 an inneih hnuah thenna biahthu an inhlan ve leh ta tlat mai. An pahnih hian thuchhuah intawm siamin, “Malsawmna dawngin kum 30 dawn chu nupa niin, hun nuam leh inneihna hlimawm tak kan lo hmang tawh a. Tunah chuan kan zinkawng zawh a inpensan ta a, mahni seh seh mual hranah tiin thutlukna kan siam ta a ni,” an ti.
X-Men star Hugh Jackman leh Deborra te hi 1996 khan an innei a, an pahnih hian Autrslian TV series ‘Cornelli’ an channa atanga intawng an ni. An nupa hian fa pahnih Oscar, kum 23m leh Ava, kum 18, an nei tawh bawk.
An thuchhuah intawmah chuan, “Ka chhungkua hi kan ngaihpawimawh ber a ni thin ang thoin a la ni zui zel dawn a. He bung thar kan kai tur pawh hi hmangaihna leh ngilneihna leh induhsakna nen kan kalpui a ni. Kan chhungkuain he rahbi thar kan dai turah hian kan privacy min zah sak turin kan ngen nghal che u a ni,” an ti bawk.