Princess Diana kawrlum hlui an lilam

Princess Diana kawrlum hlui chu, 1981-a polo khelhnaa a hak, brand lar leh lian pawh ni lo Warm and Wonderful kuchhuak, wool sen kawrlum phiar, beram var rual zinga beram dum pakhat awm va ‘One Black Sheep; sweater tia an sawi lar tak chu lilam lam timi Sotheby’s chuan New York-ah an lilam a, dollar 11,43,000-in an hralh. He kawrlum hi dollar 1,15,000 atanga chiar tanin, minute 15 chhungin dollar maktaduai 1.143-in an hralh fel der mai a ni.
Princess Diana kha a damlai pawha fashion lama icon a ni a, a incheina leh a style hrim hrim khan ngaihven a hlawh a, a sam tihdan thlengin khawvelah a lar ve nghal zel mai kha a ni a, kum 40 liamta a kawr hak hlui pawhin ngainat a la hlawh tlat a ni. He kawrlum hi lal chhungkaw thawmhnaw hak hlui lilam tawh zinga hralh to theih ber a la ni.