‘Hulhliap’ kalpui dan tur rel

‘Hulhliap’ kalpui dan tur rel
Core Committee on Hulhliap Short Stay Centre chu an chairman, Mizoram Youth Commission chairman Malsawmzuala Ralte kaihhruaiin an thukhawm.
Core Committee member secretary, Social Welfare director Dr Lalhriatzuali Ralte chuan Assam Rifles awm thinna hmun leh hmun dang pawh ruihhlo tihna atan an hmang khaw lo nasa tih sawiin, ruihhlo ngaite enkawlna tur mumal zawk, ‘Hulhliap Short Stay Centre’ din chu thil tul a ni tih a sawi. Ruihhlo ngaiten an ruihhlo tih thin atanga an inthuahfaina (detoxification) leh an taksa leh hriselna tih thatna (basic health care) hmun a ni dawn tih a sawi a ni.
Centre-ah hian ruihhlo ngaite chu a thlawnin ni 20 chhung doctor, nurse leh counsellor te enkawlna hnuaiah an awm thei dawn tih a sawi.
Tun dinhmunah Task group 6 din ni tawhin Task Group tin atangin hmalak zel dan tur an report a. Hulhliap Short Stay Centre buatsaihna hmun atan Synod Revival Camping Centre Neihbawi ruahman a ni.