Hunpui laiin gas a harsat loh beisei Ruai siamna atan commercial bur

Tualchhung
6 0

Hunpui thleng turah eirawngbawlna gas-a harsatna a awm lohnan sawrkar leh IOC Limited chuan hma an la tih Supply minister B Lalchhanzova chuan a sawi a. Ruai siam atana kohhran hoin commercial bur a tam thei ang hmang se an duh tih a sawi. FCS&CA minister chuan hunpui lo thleng tur inbuatsaihna atan IOCL chuan December 13 hma ngeiin LPG booking backlog /pending clear vek turin distributor ho a hriattir tawh. Hemi hnu hi chuan booking nghah chhung hi ni hnih aia rei an rial tur a ni lo tih a sawi. Kawng chhia in that lam a pan zel a, eirawngbawlna gas lakluhah harsatna a awm loh an beisei tih a sawi a ni.
“Distributor hma la tha lo chungah IOCL-in action a la zel dawn a, a tul angin department pawhin enzuiin hma a la dawn,” a ti.
Krismas leh kumthar ruai siamna atan kohhran-in LPG domestic bur an hman thin chu, dan phal loh thil a nih bawk avangin a tam thei ang commercial bur hmang turin an ngen tih a sawi a. Hemi tur hian distributor ho pawh inbuatsaih se an duh tih a sawi.
LPG home delivery-ah Aizawl Municipal huamchin, Serchhip, Hnahthial town, Khawzawl leh Mamit khaw chhung bikah zaah zaa kalpui a ni tawh a, 2026 March hian district headquarters zawng zawngah 100% a kalpui kim tum a ni tih FCS&CA minister hian a sawi. 2026 September-ah chuan notified town hoah gas distributor awmna khuaah chuan 100% home delivery tih tum a ni tih a sawi a. Home delivery kalpui tawhnaah hian point delivery kalpui phal a ni tawh lo tih a sawi bawk.
Gas bur tihchingpen awm thin tih rehna atan distributor ho chu kudam-a thlen hmasa vek a, buk a tling ngei tih finfiah hmasa turin an ti a. Hemi ang hian rokhawlhna nei pahnih khat tih lohah chuan kalpui a ni tawh tih a sawi.
Buk tling lo an lalut a, kudam atanga an semchhuak a nih chuan, a tlin lohna kha distributor-in a chawi tur a ni a, buk tling lo lakluh an duh dawn lo tih B Lalchhanzova hian a sawi a ni.

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Entre une cuisson à la poêle et une préparation au four, le choix dépend du temps, de la texture recherchée et du service. Pour affiner les techniques adaptées aux restaurants et cafés, le sujet mérite d'être étudié plus en détail. Bouillir ou tremper les amandes Poêle ou four : boulettes moelleuses quand la recette virale reste incertaine à la poêle, le cœur bien cuit Vu de l'extérieur, une cuisine de café paraît souvent simple, presque spontanée. Pourtant, quelques gestes précis et des produits bien choisis suffisent à donner aux recettes une vraie personnalité.