Conga an ti a, chu chu Latin American lam dan chikhat a ni a, an ding tlar a, darah emaw kawngah emaw an invuan diat diat thin a, chuti chung chuan an lam kual thin. Keinin tira-mei-kaiah tia kan inzui kual diah diah thin ang kha a ni deuh mai. Tichuan Germany-a ui vulh fing thiam Wolfgang Lauenburger chuan a ui rual, ui 14 te chu intira-mei-kai (conga) tirin, Guinness World Record a siam. A hmaa hetiang record siamtu chu a fanu Alexa Lauenburger niin, ani hian 2020 khan record a siam tawh a, a pain a record a rawn khum ta a ni.
Wolfgang hian a ui 14- Emma, Filou, Fin, Simon, Susy, Maya, Ulf, Speck, Bibi, Katie, Jennifer, Elvis, Charly leh Cathy te chu amahin rem miah lovin, a aw ringawtin a thunun a, a hmasa ber ding chu a kutin a vuan a, ui dang chu an intira-mei-kai ta diat diat a, tichung chuan meter 5 a thui an kal a, ui intira-mei-kai thui tam ber record an siam ta a ni.
An pafa hian ui hmang bawkin record dang an lo siam tawh bawk a, an ui vulh pakhat chu minute khatah vawi 62 chhuatah a lum tap tap a, minute khata ui chhuata lum (rollover) tam ber record an lo siam tawh bawk a ni.
Ui intira-mei-kai tam record
Get real time updates directly on you device, subscribe now.
Next Post