Huntharin last 16 an lut

Mizoram Volleyball Association buatsaih JJS Trucking Bharat Benz Inter Village Volleyball Tournament khelh chhunzawm a ni. Champion tura rinkai Hunthar in inrinni khan hnehna an chang a, last 16 an lut.
Inelna hnuhnung bera finalist Hunthar hian Keitum VC an tum a, harsatna tawk lovin hnehna an chang. Keitum lakah hian set an hloh lo a, 25-16, 25-15, 25-10 in an chak. Volleyball thiam veng Huntharin Thawh-lehni hian last 16-ah Kawlhawk VC an tum zui leh ang. Kawlhawk hian Saichal chu straight set in an hneh ve bawk.
Mipa lamah inelna hnuhnung bera champion Maubawk LC chuan vawiin hian khel hautak an hma chhawn a ngai dawn a. Quarter final luh tumin Ngopa an hma-chhawn ang.
Inrinni a inkhel dangah
Sazep VC chuan in-khel hmuhnawm takah Farkawn VC chu deciding set ah 25-18 a hnehin last 16 an lut a. Zawl-nuam Vengpui VC in set hloh lovin Kanghmun VC an hneh bawk.
Hmeichhe lamah Chawnpui LC, ITI LC, Dawrpui Vengthar LC, Lungmuat VC, E. Lung-dar VC leh Vaivakawn LC ten hnehna an chang.

Vawiin inkhel tur
Mipa @ Court – 1
Maubawk LC vs Ngopa VC
Kawnpui VC II vs Khawhai VC
Muanna Veng LC vs N.Vanlaiphai VC
Chhinga Veng LC vs Lungdai VC
Hmeichhia @ Court – 3
Ainawn LC vs Diakkawn VC, Kolasib
Mamit Hmar Veng VC vs Dinthar LC
Serkawn VC vs Bungtlang VC
Chawnpui LC vs Armed Veng South LC