Hursualna laka himna tur zirlai naupangte hrilhhria

District Child Protection Unit Khawzawl chuan Nilaini khan Govt. Middle School-II Khawzawl Vengtharah leh Govt. Hermon Primary School-VI ah hun hmangin, POCSO Act 2012 chungchanga hriat tur pawimawh an hrilh.
School naupang leh zirtirtute bakah zirlai nu leh pa te an tel a. Hursualna laka naupang khuaikhem chungchang leh invenhim theih dan, hetiang pawikhawihna a lo thlena hma lak dan tur te sawia inzirtir a ni.
DCPU chuan Khawzawl district-ah POCSO Act chungchang zau zawka inzirtir a nih theih nan ruahmanna siamin, district huamchhung khaw hrang hrangah hetiang hun hi hman chhoh mek a ni.
District Child Protection Unit, Khawzawl hi kum 2021 atanga din niin, din a nih atangin Child Welfare Committee hnuaiah thubuai 179 ziahluh a ni tawh a, a vai hian chinfel vek a ni tawh. Juvenile Justice Board hnuaiah thubuai 26 ziaklut tawhin, thubuai 25 chinfel a ni tawh a, case pakhat pending mek a ni.