By Centenary C. Lalzahawma
-- Advertisement --
Ni tina thil thleng, mi tinina kan hriat fo tawh, kan la hriat nawn fo thín hi. I chîk vè ngai em?
In neitu fel chuan in chhâwng tam tak sa mah sé, an hnuaia thawk, an hlawhfa chhawr ngai reng ten an sa zo thìn tih leh, in neitu sual chuan in chhâwng tam tak chu sawi loh in chhâwng pakhat lek sa tùr pawhin hlawhfa dang dang an chhawr thìn tih hi!
In neitu fel chuan kum tam tak chhúngin awmpui ngai reng an nei thìn tih leh, in neitu sual chuan kum tam tak chu sawi loh thla khat chhúng lek pawhin awmpui mi chi hrang hrang an nei thìn tih hi!
In neitu fel chuan kum tam tak chhúngin motor khalhtu (driver) ngai reng an nei/chhawr thìn tih leh, in neitu sual chuan kum tam tak chu sawi loh thla khat chhúng lek pawhin motor khalhtu (driver) mi chi hrang hrang an nei/chhawr thìn tih hi!
In neitu fel chuan kum tam tak chhúngin dàwr nghâktu ngai reng an nei/chhawr thìn tih leh, in neitu sual chuan kum tam tak chu sawi loh thla khat chhúng lek pawhin dàwr nghâktu mi chi hrang hrang an nei thìn tih hi!
In neitu fel in chu kum tam tak chhúng a luahtu ngai rengin an luah thìn tih leh, in neitu sual in chu kum tam tak chu sawi loh thla khat chhúng lek pawhin in luahtu mi chi hrang hrang an nei thìn tih hi!
Hna thawktu thà zawn hmuh tum lovin, hna thawktute tán mi thà nih tum ila. Pi leh pu thà neih/hrawn inbeisei lovin, hna thawktu thà nih kan tum tùr a ni. Mi dangte dinhmun chauh chîk taka thlír mai lovin, mahni dinhmun pawh hi chîk takin i thlír vè ang u.