I ngaihzawng chungchang i \hiante hnena sawi chhuah loh chi

|hiante hi an hlu a, engkim kan hrilh ngam leh hrilh theih te chu an hlu lehzual. Kan lungngaihna leh lawmna, harsatna leh hlima kan share vek theih thiantha te chu kan tan an hlu em em a ni. Mahse, kan ngaihzawng/kawppui te nena kan inlaichinna chungchangah erawh hrilh tur chin kan hriatthiam a pawimawh hle.
The Professional Wingman founder Thomas Edwards chuan, “A tlangpui thuin thiante hnenah kan kawppui te nena kan inlaichinna chungchang share hi a tha a, kan thiante chu kan nuna min support-tu tha berte an ni fo a, a chang chuan kan ngaihzawng te ngei ngei ai pawha kan tana an that zawk chang a awm,” a ti.
Mahse, nangmah hrechiangtu i thian hnen atanga i kawppui nena inkar thua thurawn lak chu a that em em rualin, i thiante chu hetiang lama mi expert an ni kher lo thei a, i dinhmun leh thil tawn kha an hriatthiampui kher lo thei che a ni. A bik takin inlaichinna boruak titoh deuh neih laiin a ni lehzual.
Tun tumah hian thiante hnena kan kawppui te nena kan inkar sawichhuaha an thurawn lak a that hun leh chutiang tih a fuh loh hun ni a relationship lama mithiamte sawi kan rawn tarlang e.
Nupui/pasal neih i duh tawh a, i ngaihzawng chu chutiang atan chuan i mitthla a nih chuan i thiante hrilh hriat a tha. A bik takin i thian zingah pawh nupui/pasal nei tawh te sawi pui ang che. Nupui/pasal la nei lo kan thiante aiin a nei tawh ngei te thurawn lak a tha zawk. Anni chuan eng nge thil awmdan, inneih chu eng nge a boruak tih an lo tem tawh tlat a.
I ngaihzawng nena inthil tawn hlimawm lam te pawh thiante hnena share chi tak a ni. In pahniha inthil tawn nuam intih leh inhlimpui te pawh share chi tak a ni.
Chutih rualin i ngaihzawng nen intihthiam lohna in nei a, in inhau nasa hle pawh a ni thei. Inlaichinnaah hetiang boruak hi a thlen hun a awm tih i hre tho nain, i chapona leh dik i intihna te khan i tum loh thleng thlengin a kal tir thei che. I rilrua lo lut hmasa ber chu in intihthiam lohna te i thian tu emaw, i rin ngam hnena sawi chhuah a ni mai thei. I thian hnena i dikna leh i ngaihzawng dik lohna te sawichhuah i chak viau ang. Mahse, chutiang chu tih nghal rum rum loh tur a ni. I thian chuan nangmah a tan zawk ngei dawn che a, i ngaihzawng nena in inkarah a thu lak a lai tak tak thei dawn lo. Chu chuan i ngaihzawng/kawppui nena in inkar boruak tha lo tawh sa chu a chhem alh lehzual thei tlat a ni.
|hiante hi kan tan an hlut em em rualin kan kawppui te nena kan inlaichinna tichhetu an ni ve thei tlat. |hian tha tak te karah thikna a awm thei. I thian chu ngaihzawng lamah a che fuh thei vak lo a nih chuan in inthen pawi a ti tehchiam lo thei ang. I ngaihzawng avanga a duh hunah a kawm theih loh che vangin a lo ning ru viau pawh a ni thei.