I thlatin hunbi a buai em

I thlatin hunbi a buai em
Hmeichhia ten thlatin hunbi an neih hi eng eng emaw avangin a mumal lo ve fo thei. A changin a lo thleng har te pawh a ni thei. Chutianga i thlatin hunbi a tlai theihna chhan niawma Times Of India health section-in a tarlan te kan rawn chhawp chhuak e.
1. I rilru leh taksa lam hah lutuk vangin i thlatin hunbi chu a tlai phah thei. Kan rilru leh ngaihtuahna te kan sen nasat lutuk hian kan hormone-ah nghawng a lo nei a, chu chuan thlatin hunbi a ti mumal lo ta thin a ni. Chutianga stress chu pumpelh reng theih a ni hauh lo, mahse, intih hahdam a, in de-stress dan kan thiam a tha hle.
2. I khawsak phung i thlak vangin i thlatin hunbi pawh a inthlak ve thei. Chhun lama hnathawk thin khan zan lamah i thawk ta thut a, chuvang ringawt pawh chuan i thlatin hunbi chu a danglam thei.
3. Exercise lak nasat vang pawh a ni thei. Infiammi te zingah amenorrhea (thlatin hunbi thleng lo) te pawh a awm thei a, chu chu exercise-associated amenorrhea an ti. Infiammi te chuan exercise an la nasa a, chubakah an rihna te an tihniam thin a, chu chuan thlatin hunbi a nghawng thin. Exercise la ngai vak loin i ti thar ve ta thut a nih pawhin i thlatin hunbi a mumal loh phah thei tih hria ang che.
4. Naupai danna damdawi ei vang pawh a ni thei. Hmeichhe thenkhat chuan an thlatin hunbi control nan birth control pills hi an hmang fo. Mahse, i naupai danna ei vanga i hunbi chu mumal lo ni a i rin loh emaw, chutiang damdawi chu i ei si lo a nih chuan doctor rawn ang che.
5. Nau i pai vang a ni thei.