Paris Jackson kum 5
harhfim tawh
Michael Jackson fanu Paris Jackson chuan kum nga chhung zu leh ruihhlo lakah a fihlim tawh niin a sawi a, a kum nga chhung harhfim nun hman hi a lawm.
Paris Jackson, kum 26, hi ruihhlo avangin a talbuai hman ve viau kha a ni a, mahse, a Instagram-ah January ni 7 khan kum nga chhung ruihhtheih thil lakah a fihlim tawh thu post-in, “Hi, PK ka ni a, zu ngawlvei leh heroin ngawlvei ka ni. Vawiin hi kum nga chhung zu leh ruihhlo laka a ka fihlimna a ni,” a ti a. Kum nga chu zu leh ruihhlo laka a fihlim thei hi a lawmawm hle mai tih ngawt a tawk lo a a hriat thu sawiin, he harhfim nun a neih avang chauh a vawiina nun hlimna nei thei a nih thu te, music ala buaipui theihna te, a ui leh zawhte te duat leh hmangaih taka a enkawl theihna chhan te pawh a harhfim nun neih vang chauh ni a a hriat thu a sawi bawk.
Paris chuan zu leh ruihhlo a bansan avanga mihring nunphung pangngai a nei leh thei chu a tan thil ropui tak a nih thu a sawi a, mahni inrintawkna te a neih leh theih phah niin a sawi a, rui thle mai mai pawh ni se khawvel hi a inher dan ngaiin a kal reng a, an ruihhlo khawvel erawh a ngai reng a ni mai a, tunah chuan khawvel inherin thil tam tak a inherchhuahpui te chu a mawina leh duhawmna te bakah a ropuina te a hmu leh thei ta a, “Heng zawng zawng hi ka lo va hmaih teuh ve le. Ka va lawm em,” a ti bawk.
Paris Jackson hian a ngawlvei nun leh harhfim nun inthlauh zia entirna video a post bawk a, video-ah chuan tihpuina hmuna mei a zu lai leh zu in lai te a lang a, chutah lungngai taka a tap lai lang lehin, chuta tang chuan ruihhlo leh zu simin, nun duhawm leh hlim zawk a lo neih tak te a tilang leh bawk.
Paris Jackson kum 5 harhfim tawh
Get real time updates directly on you device, subscribe now.
Next Post