IAS nih tum zinga sponsor hmuh tumten exam nei tan

Mizoram Youth Commission (MYC) buatsaih, Super IAS programme hnuaia full sponsore hmu tur thlanna, Screening Test Exam chu Thawhtanni khan Mizoram hmun hrang hranga centre 5 leh Delhi Centre-ah neih a ni.
Super IAS full sponsorship programme atan hian Mizoram atangin mi 342-in hming an thehlut a, a taka exam hmachhawn hi 188 an ni. Centre tina exam dan: Aizawl – 132, Lunglei – 22, Siaha – 7, Champhai – 15, Kolasib – 10, Delhi – 2 a ni.
Screening exam result hi July 13-ah tihchhuah tum a ni a. Exam-a inziaktlingte hian July 17-ah personal interview an hmachhawn ang. Aizawl , Lunglei, Siaha, Champhai leh Kolasib tan personal interview hi July 17 atangin neih a ni anga, hemi ni vek hian Delhi exam-te pawhin Vision IAS Delhi ah interview an nei ang.