State Apex Committee (SAC) chu chairman, chief secretary Dr Renu Sharma kaihhruaiin Inter-Operable Criminal Justice System (ICJS) chungchang ngaihtuahin Ningani khan an thukhawm.
State Action Plan for Inter-Operable Criminal Justice System (ICJS) 2.0 tana ruahmanna siam an thlir ho a ni a. A tul angte siamrem a nih hnuin State Action Plan for ICJS 2.0 chu (SAC hian a pawm a ni.
ICJS hi Cabinet Committee on Economic Affairs (CCEA) chuan November 2015 khan a pawmpui a. A thil tum ber chu, ICJS hnuaia banpui hrang hrang – Police, Prisons, Prosecution leh Forensics ho inkara data leh information awlsam leh felfai zawk pekchhuah a nih theih nana cloud service hmanga platform khat hman theiha duan a ni.
Thutkhawmah hian National Crime Records Bureau assistant director Dr Pawan Bhardwaj, DGP Anil Shukla, Home commissioner H Lalengmawia, IGP (Intelligence) Veenu Bansal, IGP (HQ) Neihchungnunga, IGP (Prisons) R Vanlalsawta, DIG (CID) Lalhuliana te bakah Law & Judicial leh Finance secretary, ICT chief informatics officer leh FSL director te an tel.
ICJS 2.0 ruahmanna thlirho
Get real time updates directly on you device, subscribe now.
Prev Post
Next Post