Manchester United leh Ajax goalkeeper hlui Edwin van der Sar kha a thluaka thi put avangin karliamta Zirtawpni khan Croatia rama a chawlh hmanna hmun-ah nikhaw hre loin a tlu thut a, intensive care unit-ah dahluh niin, nizana he thu buatsaih lai thleng khan ICU-a enkawl a la ni a, a din-hmun la tha lo mah se a ngialnghet rih niin a nupui aiawha thu-chhuah siamtu Ajax chuan an tarlang.
Dutch league-a pa-thumna an nih phak tawk avang leh kum 2009 hnu lama a vawikhatna’na Champions League an khelh phak loh avangin May thla mai khan Van der Sar hian Ajax chief executive nihna chawlh-san a, tunah kum 52 mi niin, a vanglaia goal-veng tha berte zinga chhiar tel a ni.
Netherlands interna-tional hlui hian United a chhuahsan hnu kum 2011 khan inkhelh bansanin, a kumlehah Ajax board a zawm a, kum 2016-ah he club chief executive hna a chelh chho ta a ni.
Dutchman Van der Sar hian Red Devils tan game 266 khel tlingin, khatih chhung khan Premier League title pali leh 2008 Uefa Champions League trophy a lakpui hman.
A chawlh hmain Fulham tan English Premier League a khel a, Serie A club lian Juventus thuam a inbel ve tawh bawk.
ICU la chhuahsan lo Van der Sar
Get real time updates directly on you device, subscribe now.
Prev Post
Next Post