IIT leh NIT zirlaiten larsap leh Aizawl bawrhsap kawm

IIT leh NIT zirlaiten larsap
leh Aizawl bawrhsap kawm
IIT Madras leh NIT Mizoram zirlai 27, Mizorama internship hmang ho mekte chu Zirtawpni khan Raj Bhavan-ah larsap Dr Hari Babu Kambhampati chuan a kawm.
IIT Madras leh NIT Mizoram zirlai, background hrang hrang neiten Mizorama internshhip neia hma an la leh Mizoram puih duhna thinlung an pu chu lawmawm a tih thu larsap hian a sawi a. An cham chhunga hun nuam tak hmanga an thiamnate tangkai taka hmang turin a chah.
Zirlaite hian an project neih leh tawnhriatte larsap hi an hrilh a ni.
Zirtawpni vek khan Aizawl bawrhsap Er Lalhriatpuia pawhin New India Internship project hnuaia IIT Madras atanga NIT Mizoram-a internship ti mek zirlaite hi a kawm a. Zirlaite hian Mizoram an hmuh dan sawiin, internship project-in a tum an sawifiah.
New India Internship (pilot) hi Prime Minister Office leh Ministry of Human Resource Development, tuna Ministry of Education ni ta pawmpuinaa kalpui niin, IIT Madras zirlaiten institution dangah, a bikin India hmarchhak state zirchian a, technology hmanga an harsatna sukiang tur duanchhuah theih dan zirchhuah chu a thil tum a ni.