In chim
Nimin, September 2 tlai dar 6.30 vel khan Republic Vengah leiminin Assam type in pakhat a hnawl a, a chengte an insaseng hman a, an bungraw tam zawk erawh thiar chhuah hman a ni lo. Leimin hian a thlanga Republic Veng – Venghlui (Hmawngkai) panna kawng a hnawh vek a, hemi kawng thlang lama in pathum luahtute chu an inthiarchhuak bawk. Vawiin – September 3 hian DDMA Aizawl hnuaia Quick Response Team nen khawtlangin inchhia senghawi, leimin zel tur ven leh lei leh lung tla then hnatlang thawh a ni dawn.