Manipur-ah buaina chhuak thar leh

Manipur sorkar chuan State police-te chu Imphal West district-ah ‘combing operation’ nei tura tiin hei hi militant nia rinhlelh tena mi pahnih kaphluma mi pakua an hliam vang, tiin officials te chuan an sawi.
Commissioner (Home) N. Ashok Kumar chuan Director-General of Police chu Pathianni (September 1, 2024) a silai leh bomb hmanga inbeihna thlenga inhnamhnawih te man tura tiin thil duhawm lo a thlen zui loh nana hma la turin a ti bawk.
“Tun hnaia Imphal West district-a dan leh hrai lekkawhna dinhmun tha lo thleng mekah thil duhawm lo a thlen zui loh nan hmalak ngai a ni a. Heng hmunah te hian a tul dan anga combing operation neia a bik taka Keithelmanbi atanga Koutruk te thianfai tura hriattir in ni” tiin Commissioner chuan DGP hnena a lehkhathawnah tarlan a ni.
Kangkokpi district Keithelmanbi atanga Imphal West district a Koutruk hi km 32-a thui niin nikum May thla atang tawh khan ethnic violence kaihnawiha buaina chhuah nasat thinna hmun a ni.
Manipur police-te chuan militant-te chuan tlang sang atangin hmun hniam zawk Koutruk leh a thenawm Kadangband phaizawl te chu silaiin an kap vak tia sawiin mi pahnih kaphlumin midang pakua in hliam an tuar a, chenna in tam tak tihchhiatin a awm an ti bawk a. Police-te chuan militant te hian rocket-propelled grenades leh drones te pawh an hmang tiin an sawi bawk.
Gun-and-bomb attack chungchangah hian official thuchhuak chuan, “Kotruk, Imphal West beihnaah militant te chuan RPGs thahnem tak leh high-tech drones te an hmang a ni. Security forces leh civilians te laka drone hmanga explosive hman hian buaina a tizualkai a ni” tiin tarlan a ni.
High-tech drone hman a nihnaah hian highly trained professional te technical expertise turu tak te tello chuan kalpui theih loh anga ngaih a ni tiin thuchhuah chuan a tarlang bawk a.
“Drones te hi Manipur-ah warring group pahnih ten surveillance leh militant movement hriat nan te pawh an lo hmang tawh thin a. Mahse, drone hmanga explosive civilian leh security forces te laka Koutruk a hman hi thil thar a ni” tiin official te chuan an sawi bawk.
Police-te chuan Koutruk village-ah hian militant-te chuan a tlem berah bomb panga an thlak tiin an sawi bawk a.
Manipur-a ethnic violence avang hian mi 200 chuangin nunna an chan phah tawh a, mi tam tak chenna in leh lo chhuahsanin an awm mek bawk.
Koutruk khua beihna hi Kuki militant-te sulhnu nia sawi niin Manipur sorkar chuan thuchhuah a siamah Kuki militant-te chuan ‘drones, bomb leh sophisticated weapons’ hmangin ralthuam leh invenna pawh nei lo village an bei tiin an sawi a ni.
Tihian Manipur a thla li lai inbeihna a thlen tawh loh hnuah nunna chan an awm leh ta a, police te chuan Pathianni tlai lam dar 2;30 velah Koutruk leh Kadangband village te chuan beih an tawk tan tiin an sawi a ni.