Incentive dawng turte ZPM thallaiin lawmpui
Ban inelh siaka ram tana medal dawngtute hnenah incentive cash award pek a ni tur chu an lawmpui a, thutiam tihlawhtlingtu ZPM sawrkar leh Sports minister chungah an lawm hle tih ZPM Thalai chuan an sawi.
ZPM Thalai Hqrs. thuchhuak chuan tunhnaia Asian Arm Wrestling International Cup-a India aiawh medal latu leh Mizo tihmingthatu Denic Lalruattluanga, Benjamin Lalawmpuia Ralte, Vanramnghaki leh Winkle Laltlanchhunga te thinlung takin an lawmpui tih a sawi a. Sports minister Pu Lalnghinglova Hmar hmalaknaa Denic Lalruattluanga’n Incentive Cash Award a dawn theih dawn bakah sawrkar atanga hamthatna a dawn theih dan tur ngaihtuah sak a ni tur chu an lawmpui tih a sawi a ni.
‘Arm Wrestling hi Olympics discipline zingah a tel ve loh avangin sawrkar hmasa lamah khan Incentive Cash Award an dawng thei loa, Sports minister hmalakna azarah an dawng thei tawh dawn a ni,’ a ti.
The Mizoram Sports Incentive Award Scheme 2022 ah Mizoram State Sports Council hnuaia recognised sports ni si, sports incentive pek ve loh an awm thin chu ZPM party chuan ngaimawhin, 2023 October 24 khan tuna Sports minister Pu Lalnghinglova Hmar chuan press statement a lo nei tawh tih sawiin, ‘A thutiam bawhzuiin ZPM sawrkar leh Sports minister-in a tihlawhtling hi lawmawm kan ti a ni,’ thuchhuah hian a ti.
Incentive dawng turte ZPM thallaiin lawmpui
Get real time updates directly on you device, subscribe now.
Prev Post