Income Tax Deptt. in Rs 1,823 crore chawi turin INC te ti

Income Tax department chuan kum hmasa tax return ah thil fello a awm tiin Congress party chu bRs 1,823 crore chawi turin a ti a, Lok Sabha inthlan dawnah sum lama harsatna nasa tak tawk Congress te tan chuan a pawi hle tiin party treasurer Ajay Maken leh general secretary Jairam Ramesh te chuan an sawi.
Tax penalty te bakah interest te chu kum 2017-18 atanga 2020-21 tax returns a thil fello inkaihhnawih a ni a. hriattirna hi karkalta khan Congress te hnenah pek a ni.
Ramesh chuan BJP te chu ‘tax terrorism kalpuiah’ puhin ‘electoral bonds scam’ hmangin “BJP te chuan Rs 8,200 crore chuang chu pre-paid, post-paid, post-raid bribes leh shell company te atangin an dawng tawh a ni” tiin a sawi bawk a.
“Congress te chuan Income Tax Department atangin Rs 1,823 crore min dil a. Kum 1993-94 a Sitaram Kersi President nih lai atang ringawt khan Rs 53 crore min thing a ni” tiin Maken chuana sawi bawk a. BJP te hian income-tax laws te an bawhchhe nasa a, I-T department hian dan an bawhchhiat avangin BJP te atang hian Rs 4,600 crore chuang an thing tur a ni zawk tiin a sawi a.
“Income Tax depaertmenin in bawhchhiatna a tih fo avanga chawitir tur a nih chuan BJP te hian Rs 4,600 crore chuang an chawi tur a ni” tiin a sawi.
Congress party chuan IT department chetlak dan chu Supreme Court ah an khing dawn a ti bawk.
Congress te hian sum lamah harsatna nasa tak tawk mekin Income Tax thuneitute chuan an lakah hremna lekkawhin Rs 210 crore chu khawih chet theihlohin an dahsak mek a. High Court ah an zualko in awm zia a neih loh avangin Supreme Court ah kalpui leh an tum bawk.
Congress party chuan Bharatiya Janata Party (BJP) te chu tax thuneitute an hamthat nana hmanruaa hmangin April 19 a Lok Sabha inthlan tan mai tawh turah an sum hreksakah an puh a ni.