India-a siam Citroen C3-in 2023 World Urban Car of the Year Award a dawng

India-a siam Citroen C3-in 2023 World Urban Car of the Year Award a dawng
India-a siam Citroen C3 chuan 2023 World Urban Car of the Year Award a dawng a, India-a siam leh India-a zawrh chhuah car zinga World Car Award dawng thei hmasa ber a ni. He car hi India-ah 2022 khan tlangzarh a ni a, Citroen C-Cubed programme hnuaia an siam chhuah hmasak ber a ni.
He category-a tel thei tur hian car hi meter 4.25 aia sei lo tur a ni a, kum khata 5,000 chin tal siam chhuah a ni ngei bawk tur a ni a, car market lian ram pahnih, khawmualpui pahnihah tal hralh chhuah a ni ngei bawk tur a ni a, January ni 1. 2022 leh March ni 30, 2023 inkar ami a nih a ngai bawk. Finalist-ah C3 bakah Ora Funky Cat leh Volkswagen Taigo/Nivus te an lang a, C3 hian award a dawng ta a ni.
Nikum khan India-a siam leh India a hralh chhuak Volkswagen Taigun chu World Urban Car of the Year category-ah hian finalist a lo ni tawh bawk a, mahse, award hi Toyota Yaris Cross-in a dawng ta zawk a ni.
Citroen C3 hi Thiruvallur, Tamil Nadu-a Citroen plant a siam a ni a, tunah hian showroom-ah a model a zirin Rs 5,98,000 atanga Rs 8,25,000 man te a ni. Citroen C3 hi India bakah Africa leh ASEAN ramah te thawn chhuah a ni bawk.
French car siamtu hlun leh hristhlawh tak Citroen hian an C3 huang hi an zauh zel a, February 2023 khan all-electric eC3 an tlangzarh leh tawh a ni.