India-a TV host hlawh tam ber Amitabh Bachchan

India-a TV host hlawh tam ber Amitabh Bachchan
Bollywood legend Amitabh Bachchan chu TV show hriat hlawh tak Kaun Banega Crorepati season tharah host angin a rawn kir leh dawn ta a, he quiz-based reality show promo-te pawh an tichhuak tawh. Siast.com-in a tarlan danin Big B hi India-a TV host hlawh tam ber a ni dawn a, KBC episode khatah cheng vaibelchhe 5 zel a hlawh dawn a, kar khatah cheng vaibelchhe 25 a hlawh dawn tihna a nih chu!
Tun tum KBC hi season 17 a ni tawh dawn a, Auguat ni 11, 2025 atangin an tan dawn a ni. Salman Khan pawhin episode khatah cheng vaibelchhe 5 a lo hlawh tawh a, mahse, ani kar khat hlawh hi cheng vaibelchhe 10 a ni thung a (kar khatah episode hnih), Big B hi chu kar khatah episode nga zel a awm avangin a kar khat hlawh a sang bik ta hle a, Indian television industry-ah chuan TV host hlawh sang ber a ni ta a ni.