INDIA bloc MP rual te, Congress president Mallikarjun Kharge, Congress Parliamentary Party chief Sonia Gandhi leh Leader of Opposition Lok Sabha Rahul Gandhi pawh telin, Parliament premises-ah July 24 opposition-ruled States te Union Budget ah hleih nei taka duhsak loh bik an ni tia sawiin lungawilohna an lantir.
Kharge, Sonia Gandhi leh Rahul Gandhi, Congress MP thahnem tak te bakah, TMC, Samajwadi Party, DMK leh Left te pawhin lungawilohna lantirna hi an zawm a ni.
Budget chu sawiselin Kharge chuan, “He budget hi anti-people a ni, tute mahin justice an hmu lo. Special package chungchang an sawi a, mahse special status pek an awm lo. Inbumna budget niin mipui te tana tha lo a ni” tiin a sawi a. MP rual te chuan ‘NDA budget nilo India budget kan duh’ tih te ‘NDA ten Budget-ah India an phatsan’ tih placard te an keng lang bawk.
“Nimin khan budget hmangin government of India chuan federal system kalpui zelna tur principle te a bawhchhia a ni” tiin Congress general secretary, organisation, K.C. Venugopal chuan a sawi.
“Budget tum ber chu sorkar humhim a ni a. State pahnih hnenah sops tam tak a pe ringawt mai a. Andra Pradesh leh Bihar hnena fund pek hi kan do a ni lo mahse state dangte pawhin justice hmu ve se kan duh a ni. Chuvang chuan vawiinah hian lungawilohna kan lantir a ni. Mipuite pawh an lungawi lo,” tiin a sawi bawk.
SP MP Jaya Bachchan pawhin budget chu sawiselin thalaite chu dawt an tiam a ni tiin a sawi bawk a. SP chief Akhilesh Yadav pawhin an State Uttar Pradesh chu hleihneitaka tihin a awm a ti bawk a. Hna min chhuhsak tawh hnuah tunah apprenticeship chungchang an sawi leh tawh a ni, tiin a sawi bawk.
INDIA bloc tena lungawilohna an lantir hma hian thawhlehni tlai khan 10 Rajaji Marg a Congress president chennaah inhmuhkhawmna an nei a.
Inhmuhkhawmnaah Kharge, Rahul Gandhi, Congress’ deputy leader in Rajya Sabha Pramod Tiwari, Congress’ deputy leader in Lok Sabha Gaurav Gogoi, NCP (SCP) chief Sharad Pawar, Shiv Sena (UBT) leader Sanjay Raut, TMC leaders Derek O’Brien and Kalyan Banerjee, DMK’s T R Baalu, JMM’s Mahua Maji, AAP’s Raghav Chadha leh Sanjay Singh, bakah CPI(M)’s John Brittas te pawh meeting-ah an tel a ni.
“Kumin Union Budget hian budget concept a tichhe der tawh. State tam tak te chu a thliar hrang tawh a ni. Chuvangin INDIA bloc meeting chuan lungawilohna kan lantir tur a ni kan ti a ni,” tiin Venugopal chuan a sawi.
INDIA bloc te lungawi lo
Get real time updates directly on you device, subscribe now.
Prev Post
Next Post