India chief coach Gopichand-a’n badminton hmasawnna tur CM sawipui
National Badminton Team chief coach Pullela Gopichand chu Mizoramah a lokal a, amah tawiawmtu Mizoram Badminton Association, Tata Trusts leh Northeast Initiative Development Agency (NEIDA) aiawhte nen Thawhtanni khan chief minister Zoramthanga hmu in, badminton tihhmasawnna tur kawng hrang an sawi ho.
Chief minister chuan badminton-ah Mizoten theihna an neih thu te, training tha tak nen chuan khawvel pum huap pawha la inhlang chho thei tam tak an awm a rin thu te a sawi a. Theihna haichhuaha tih chak chu sawrkar pawhin a ngaihpawimawh tih a sawi a ni.
India badminton chief coach chuan Mizoram badminton player-te chu talent nei tha a tih thu sawiin Tata Trusts, NEIDA leh Mizoram Badminton Association hmalakna fakawm a tih thu a sawi bawk. Mizorama badminton tihmasawn tura thawhho mekna, Pullela Gopichand Badminton Academy (PGBA) technical partner a nihna – Mizoram Badminton Initiative hmalakna hnuaiah a thawhkhatnaah Junior National Champion an awm der tawh tih a sawi a. Hemi kal zelah hian PBGA chuan investment a pek zat belhchhahin, Mizoramah palyer 15, kum 10- 14 inkar training ngawrh tak pek tum a nih thu leh training kalpui dan tur kimchang a sawipui a ni.
Heng bakah hian Regional Development Centres tihchangtlunte, coach-te hmasawn belh zelna tura hmalakte hmachhawp an neih dan a sawi a. Kotak CSR fund bultumin player naupang zawkten full-time scholarship an neih theihna’na hma lak a nih thu te an sawi.
High altitude training centre siam a nih theihna’n sawrkar hmalakpuina an ngen a. Chief minister chuan ruahmanna fel siam nise, player-te hmasawn zelna atan sawrkarin a tih ve tur chin chu theihtawp a lo chhuah tur thu a hrilh a ni.
India chief coach Gopichand-a’n badminton hmasawnna tur CM sawipui
Get real time updates directly on you device, subscribe now.
Prev Post