Hindu identity chu Indian tin te cultural citizenship a ni tia sawiin Uttar Pradesh Chief Minister Yogi Adityanath chuan India chu ‘Hindu Rashtra’ tia sawiin ‘Akhand Bharat’ chu a la hlawhtling dawn tiin a sawi.
Aditya hian a interview neihnaah video tweet zuiin chutah chuan, “Hindu identity chu Indian tin te cultural citizenship a ni a. Hindu hi thurin, sakhua emaw pawl emaw a ni lo. Cultural sawina a ni,” tiin a sawi.
“India atanga kalin Haj a tih dawnin, Hindu tia sawi a ni a. Tute mahin Haji angin an hmu lo, tute mahin Islam angin an pawm lo, Hindu angin amah hmuh a ni a. Chuti kawnga thlir chuan India hi Hindu Rashtra a ni a, a chhan chu India khua leh tui tin te hi Hindu vek an ni” tiin Adityanath chuan a sawi a.
“Hindu leh skahua, rinna leh pawl anga thuhmuna kan ngai a nih chuan kan tisual tihna a ni a, Hindu kan hrethiam lo a ni. Indian tin te hian Constitution hi min hruaitu a nih angin kan ngai pawimawh ber tur a ni,” tiin a sawi bawk.
Adityanath chuan ‘Akhand Bharat’ chu a takin a thleng dawn tia sawiin Pakistan chuan India nena inzawm a duh dawn a ti bawk a.
“Spiritual khawvelah Pakistan hi a awm lo. Thil nihna nei lo leh tak a nih loh chuan hun rei tak an la awm thei hi vanneihna a ni. A rang thei ang bera India nena an inzawm vat hi an tan a tha ber,” tiin UP CM chuan a sawi bawk a.
“Akhand Bharat hi thil tak tak thleng dik tur a ni” tiin a sawi bawk.
India hi ‘Hindu Rashtra’ a ni: UP Chief Minister
Get real time updates directly on you device, subscribe now.