India hockey junior team-ah Rinpuii

India hockey junior team-ah Rinpuii
August ni 30 atanga September 13, 2026 chhunga Moqi, China-a khelh tur Asian Hockey Federation (AHF) Junior Asia Cup 2026-a India aiawh turin Mizo tleirawl Lalrinpuii thlan a ni a, thei lo leh inhliam an awm palha chhawr theih turin Mizo player dang F. Lalbiaksiami pawh alternate player atan hruai tel a ni dawn.
Hockey India chuan he tournament-a tirh tur Indian junior women’s team member 18 a puang a, Mizo pahnih hming hmuh tur a awm.
India team hian kumin kum tira coach lak thar Tim White kaihhruaina hnuaiah inbuatsaihna an kalpui mek a ni.
Continental tournament atana an inbuatsaihna peng khat atan player-te hi tunhnai khan UK-ah exposure tour zawhpui niin, he tour hian player-te chu international match tawnhriat hlu tak leh zir tur pawimawh tak tak a pe a, Junior Asia Cup atana an inbuatsaihna a tichak hle a ni.
He tournament-ah hian Asia khawmualpuia junior team tha ber ber an inlan dawn a, thang tharte tan Asia hockey talent platform pawimawh tak a ni ang.
Inkhelh hun tura duante leh pool inthen dante chu tournament tan dawn hnaiha puan tur a ni.