India chuan kum 2023-ah ruahtui ‘below normal’ beisei aia tlem a dawng dawn hmel a, El-Nino pawh thleng thei a ni tiin private weather forecasting agency Skymet te chuan an sawi.
“El Nino thlen theihna a sang zel a, El Nino hian monsoon nep zawk a thlen thei,” tiin Jatin Singh, managing director, Skymet chuan a sawi.
Monsoon rain chu India ramah long-term average 94% vel ni tura beisei a ni, tiin Skymet te chuan sawiin kuminah ruahtui beisei aia tlem turah an ngai a ni.
New Delhi chuan average, normal, rainfall chu 96% leh 104% inkarah a dah a, fur tia India rama sawi hi June thla atanga intan anga chhut a ni.
State-run India Meteorological Department chuan hun rei lo te hnuah monsoon forecast hi an tichhuak ve zui dawn bawk a.
India farmland zahve dawn te hian irrigation tha an nei lo va, kum tin June-September thlaa ruahtui chu innghah nana hmang turin chumi hmang chuan rice, corn, cane, cotton leh soybean te an ching thin a ni.
Skymet te chuan northern leh central part of India te chu ruahtui dawng tlem zual turah a ngai a.
Punjab, Haryana, Rajasthan leh Uttar Pradesh te chu agriculture bowl of North India tia hriat lar niin heng hmunah te hian kumin kum chanve hnu lamah ruahtui a tlem zual dawn tiin weather foreceaster te chuan an sawi a.
Chutih laiin a hun lova ruahtui tla leh thli tleh te chuan thlasik laia thlai chin te a bik takin India hmar lama wheat chin te, central leh western plain-a chin te chu an hmin leh vui tur a tikhawbaw nasa hle a, hei vang hian food price inflation awm theihna a tisang hle tih a ni bawk.
India-in furpui ruah hmu tlem turin ngai
Get real time updates directly on you device, subscribe now.
Next Post